Oahpahusčađaheapmi: Rasisma ja vealaheapmi
Searvva mielde Human Rights Dialogue – mii lea ságastallan rasisma ja vealaheami birra Norggas
SÁHTÁT VÁLDIT OKTAVUOĐA AMNESTYain
Mii áinnas juogadit vásáhusaid iežamet oahpahusvuogis ja sáhttit veahkehit ráđiiguin movt čađahit oahpahusa. Jus lea dárbu, de sáhttá Amnesty maiddái boahtit du klássii ja čađahit Human Rights Dialogue. Váldde oktavuođa oahpahuskoordináhtoriin du iežat guovllus, dahje sádde e-boasta deike: [email protected]
Háliidat go iežat ohppiid oažžut áŋgirit beroštit olmmošvuoigatvuođain, mat čatnasit rasismii ja vealaheapmái? Human Rights Dialogue lea fálaldat ohppiide nuoraidskuvllas ja joatkkaskuvllas.
Amnesty fállá veahki movt čađahit oahpahusa, maid álkit sáhttá heivehit iešguđetlágan ohppiidjoavkkuide. Oahppit oasálastet aktiivvalaččat go ovdanbuktit oaiviliiddiset iešguđetlágan čuoččuhusaide ja dajaldagaide rasisma ja vealaheami hárrái. Ulbmil lea oažžut beroštahtti ságastallama, mas oahppit seammás besset oahppat movt sii sáhttet vuosttaldit olmmošvuoigatvuođarihkkumiid.
Lyd av
Pause
00:00
BUORRE DIEHTIT
Ulbmiljoavku: Nuoraidskuvla ja joatkkaskuvla
Fágaidrasttildeaddji fáddá:
Demokratiija ja borgárvuohta, ja Álbmotdearvvašvuohta ja birgen
Fága:
Servodatfága
Dárogiella
ROEE
Eŋgelasgiella
Áigegeavaheapmi: 2 skuvladiimmu – muhto heivet dárbbu mielde
Ráhkkaneapmi:
- Viečča oahpahusávdnasiid.
- Loga giehtagirjji mas lea bagadallan oahpahusčađaheapmái.
- Vállje (dahje čálit) čuoččuhusgoarttaid ja ságastallangoarttaid mat heivejit buoremusat du klássii.
- Buot duogášdieđuid maid dárbbašat, daid gávnnat giehtagirjjis ja PowerPoint-ovdanbuktimis.
Dá lea Human Right Dialogue:
Human Rights Dialogue lea ságastallandoaibma mii čuvge olmmošvuoigatvuođa fáttáid máŋgga oaidninsajis. Mii deattuhit earenoamážit aktiivvalaš guldaleami, reflekšuvdnahárjehallamiid, oahppama ja dan ahte juogadit muitalusaid.
Guoskevaš fáddá Human Rights Dialogues lea rasisma ja vealaheapmi. Rasisma dáhpáhuvvá Norggas, ja vealaheapmi lea oassin máŋgasa árgabeaivvis.
Rasisma Norggas lea áigeguovdilis fáddá mii beroštahttá oallugiid, ja dat lea mávssolaš hupmat iežas guottuid birra dán fáttás. Leat go mis vuollásaš ovdagáttut? Goas lea heivvolaš muitalit jus mii oaidnit dahje vásihit vealaheami? Movt sáhttit mii eastadit rasisma min árgabeaivvis?
OAHPAHUSČAĐAHEAMIS LEA:
- Giehtagirji mas čilge movt čađaha ságastallama lávkkis lávkái.
- Olmmošvuoigatvuođajulggaštus njuolga lummii – oaniduvvon veršuvdna olmmošvuoigatvuođaid birra.
- PowerPoint-ovdanbuktin mas oanehaččat muitala fáttá, čuoččuhusgoarttaid ja ságastallangoarttaid birra, main leat rávvejeaddji lassinotáhtat oahpaheaddjái.
- Čuoččuhusgoarttat.
- Ságastallangoarttat.
FUOM: Páhkas leat eambbo ságastallangoarttat go dat maid jáhkkimis ollet atnit várrejuvvon áiggis. Vállje goarttaid dan mielde mii du mielas heive buoremusat ohppiid agi dáfus, máhtu dáfus ja áiggi dáfus mii dasa lea várrejuvvon. Eaktuda ahte don gii leat oahpaheaddji leat ovdagihtii ráhkkanan dása.
Ságastallangoarttat main lea násti, dat leat rasisma birra obbalaččat.
Ságastallangoarttat main lea váibmu, dat leat sápmelaččaid ja našuvnnalaš unnitloguálbmogiid vealaheami birra.
Máhttolokten + Olmmošvuoigatvuođat = Human Rights Dialogue
Dan ođđa oahppoplánas, Máhttolokten 2020, leat olmmošvuoigatvuođat guovddážis. Olmmošárvu, seammaárvosašvuohta ja dásseárvu, kritihkalaš jurddašeapmi ja ehtalaš diđolašvuohta leat prinsihpain mat deattuhuvvojit oahppoplána bajit oasis. Daddjo earret eará ahte: “Oahppit galget ieža leat veahkkin vuhtiiváldime olmmošárvvu ja smiehttat movt eastadit ahte dan ii rihko.” (Oahppoplána bajit oassi, kap. 1.1, siidu 4).
Amnesty bargá dan badjelii ahte buohkat galget sáhttit dovdat oadjebasvuođa olmmošvuoigatvuođaid hárrái, mat leat čállon olmmošvuoigatvuođajulggaštussii. Mii háliidit maid oažžut beroštišgoahtit áššiin mat leat mávssolaččat árgabeaivvis. Dan dihte fállá Amnesty Norge skuvllaide oahpahusčađaheami, maid leat gohčodan Human Rights Dialogue, ja maid skuvllat besset geavahit .
2022 lea Amnesty ožžon Bufdiras doarjaga bargat Human Rights Dialogue prošeavttain.
Lyd av
Pause
00:00
Viečča oahpahusmateriála, mainna beassat čađahit oahpahusa iežat klássas.
Háliidat go ahte Amnesty galgá boahtit din skuvlii?
Leat go dus fágagažaldagat dahje ruovttoluottadieđut Human Rights Dialogue birra? Háliidat go ahte muhtin Amnestyas boahtá čađahit oahpahusa du klássas? Váldde áinnas oktavuođa oahpahuskoordináhtoriin iežat guovllus, dahje oahpahusjoavkku jođiheddjiin.
